Tura: U Montri Rangbah ka jylla ynnin ka sngi da saam u ya 5 tylli ki syiar kroiler wa da em le bnai wa 8 kilo i baam syiar cha ki manbei wa dang khian khon kamjooh kiwa psan khon samen ha Bakdil Krimkro Federation Centre (BKFC), Upper Bamonpara, Dalu.
Ini toh man i kam chibynta wow sdang ya ka Scheme sorkar wa thymme wa tip kam ka Government’s Nutritional Security Program kamjooh wow lehkmen yei wa poi T. 100 Lak tam wa pynemkaam ki SHG ka Bakdil Krimkro SHG Federation, Dalu, West Garo Hills.
Kani ka scheme thymme toh kawa sdang u Dr. Mukul yow pynbiang baam ya ki khynthai wa dang dep kha khon yow psan syiar kroiler ki cha dienchyngkiar kawa man leh kam ki chibynta ka Livestock Mission.
Ha kani ka sngi u Montri Rangbah leh da e u ar slait ki pylleiñ cha u Nokma wa da e thaw mynkna u wow chna ya ka Bakdil Krimkro SHG Federation Centre. Da pynkup burom u leh ya u Branch Manager ka Meghalaya Rural Bank (MRB), Dalu Branch wa ya ki le ngut kiwa psan syiar kiwa da jop ha i kaam yong ki.
U Dr. Mukul hei klam yong oo da ong u wa kani ka scheme toh wow pynchlur ya ki paidbah wow seiñ khih ki kamjooh wow yieñ ha ki kjat yong ki hi wei i em kani ka Federation pynyoo ko wa da lai bha kini ki kaam cha khmat.
Da ong u leh yow man kiwon kiwon ki Scheme sorkar kiwa jop emkaam ya ki paidbah wow chimkhia ki ya iwa da e ka sorkar ha ki.
Da pyntip u leh ka sorkar daw pynman ko ya ka MHIS hadooh wa ym haap su chi tyngka leh ya kiwa em Smart Card heipor wa chah sumaar ki.
U Dr Sangma hadien ini da kyntu u ya u Bakdil Director u Fr. Sunny Joseph Mavelil yow pynchlur u ya ka Stevia Cultivation hapyrdi ki dkhot kani ka Federation. U Stevia toh u mar wa pynemkaam hawa pynthiang ya i baam heithaw yong i chini wei da dawa bha ya uni u mar ha kylleiñ ki yaaw.
U Fr. Sunny Joseph Mavelil uwa man kam u Director ka Bakdil hei klam yong oo da pyntip u wa palat 150 lak ki loan da yoh ka dkhot ka Krimkro SHG Federation heiwa 60,000 da dep su cha ka Meghalaya Rural Bank.
Discussion about this post