Jowai : Ka KNGCSU hadien wa mih khubor ynne ka sngi hei yatoh wa ka ujor ejahar yong ka bor Distrik hajrong ki 3 ngut ki khynroo puræ, da pyntip ko wa na i liang ka KNGCSU kwah ko u pynche ya ki bor Distrik kamjooh leh yei u ADC u Ma S.C. Laloo wa ym toh kini ki le ngut wa emki wow khang tylla ya ka kolej tangwa da mynjur lang waroh ki khynnah puræ ka KNGC.
Kwah ki leh u pyntip cha ki bor distrik wa ym toh u kynnoh ya kitæ ki le ngut tangwa tangwa toh u e FIR ki ya waroh ki khynnah puræ kani ka kolej neibhah ki kam ki khynnah ym em yakhih ki neibynta i myntoi samen tangwa nei bynta ka mynried yong ki wa ka mynried mynkawi.
Heijooh i por ka seiñ pyntip ko leh wa neiliang yong ka nadooh ka 12.11. 2015 u pynsangeh chwa ko ya i yakhih neidaw wa dang em i su bai admission yong ki khynnah.
Discussion about this post