theme-sticky-logo-alt
theme-logo-alt
Advertisement ad1

Santosh Trophy Qualifier: Jop ka Meghalaya ya ka Assam

Ka Zonal Round ka North East Qualifiers ka Santosh Trophy yow jied ya kiwa yalehke wow lai e reiñ cha ka kyrdan ka ri namo ka National Football Championship ka Hero Santosh Trophy da sdang ya ka ynne ka sngi ha JN Stadium, Shillong heiwa ka Meghalaya da jop ko ya ka Assam da 6-2.

U Dawanchwa Carlos Challam da yoh u wow thap Hat-Trick deilang wa mar chi kool na u Maxderidoff Wahlang wa u Captain Hardycliff Nongbri wa chi kool wa thap bakla pyn da uwa yalehke ka Assam hi.

Ka Meghalaya da yoh ko wow thap kool nyngkong lyngba u Challam ha ka minit wa 15 tangwa ka Assam da te ko wow su kylliang lyngba u Milan Basumatary hadien 10 minit.

Du hadien ar minit da yoh biang ka Meghalaya u pyntam deiwa thap bakla uwa yalehke ka Assam hi kamtæ da kut ka kylla stem da 2-1.

Ha ka kylla miet u Challam da thap u ha ka minit wa 50 wei hadien 8 minit u Challam da yoh biang u sa chi kool deiwa thap ya ka bol Free Kick wa chut u Wahlang. U Wahlang da yoh u wow thap da ka kool yong oo hi ha ka minit wa 77 wei hadien 5 minit da thap sa u Nongbri.

Chwa wow kut, ka Assam da yoh ko da ka Penalty kawa da thap da u Basumatary.

Kiwa yalehke ka Meghalaya: Frolicson Dkhar, Maxderidoff Wahlang, Stephanson Pale, Sangti Janai Shianglong, Ronaldkydon Lyngdoh Nonglait, Manbhakupar Iawphniaw, Hardy Cliff Nongbri, Shano Tariang, Damonlang Pathaw, Dawanplielad Myrchiang, Aibiang Mame Nongneng, Atlanson Kharmaw, Dawanchwa Carlos Challam, Mebankhraw Khyriem Wahlang, Kenstar Kharshong, Saveme Tariang, Wilbert Marbaniang, Padam Chettri, Eveningstar Bareh.

Share this:
Previous

Pynkut ka Lumbhahdakha Sports Club Wahiajer yaka Sports Week

Next

Lai e yarap ka MSGF Jowai Unit ya ka manyung ha Ummulong