Sdang booddien ka PAC ya ki kaam wa sahteiñ khamtam kiwa yatoh wa i pynemkaam bakla ya ka poisa

Shillong: Ynne ka sngi, ka Public Account Committee (PAC) da pyrchah ko yei sahteiñ i chna pyndep ya ka yingkieñ ha Mawsmai kawa pynyabi ya ka ri-loom Khasi wa Garo, kawa da sah nadooh u snem 2004, hei mang wow pynlut wow chna hadooh kamwa T. 5.77 klur.

Katkam wa ong u dkhot ka PAC, u HM Shangpliang da ong u wa ya kani ka sarok da khut tender wei da ekti ha u Contractor wow chna ya ka khlem chim thaw, wei da sdang chna ya ka hajrong ka yurim i khyndaw wa jem iwa khlem sylli namo test bha wei ini da wanrah i yei sahteiñ i kreh hadooh kini ki sngi.

U Shangpliang da ong u wa ka PAC da paan yutip wa bniah ko na ka tnat PWD hajrong ini i kaam.

Kawi won ka phang wa da yaklam toh hajrong i thied ya ki tiar tympdung moo wow leh blasting wa da e ha u Contractor neibynta u sarok hei dor T. 2.21 klur iwa da pynsepai ya ka poisa kamwa da chem da u CAG.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa ka PAC leh daw paan ko yei pynche hajrong ini khnang wa i kreh u man i iwa lai bait.

Ha iwi i liang, u Shangpliang da ong u wa ka PAC da booddien ko leh yei pynemkaam bakla ya ka scheme na ka NEC da ka Mawlong-Diengsiar Self Help Group kawa em ha Ichamti, heiwa da sai hadooh T. 86 lak na ka T. 1.99 klur kawa da mang ya kani ka dhab.

Ya kani ka Self Help Group da pynlai da u BR Chyne heiwa da pynman dkhot da kiwa hayung yong oo waroh, wot hadooh i thaw leh toh i yong oo iwa man pyrchah ya i thmu yong kani ka scheme.