15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Sdang i chah-thngan ki Muster Roll na ri-loom Jaiñtia ha Shillong

0 Comments

Shillong: Kiwa kreh Muster Roll na ri-loom Jaiñtia hapoh ka lama ka Jaiñtia Public Work Department Muster Roll Worker & Labour Union (JPWDMRW&LU) ynne ka sngi da sdang ki yei yakhih chah-thngan wa khlem booh por yei wym su ka sorkar ya ka nongsngi wa kiwi ki phang dawa ka seiñ.

Kini ki Muster Roll kiwa em kamwa 300 ngut da yakhih chah-thngan ki ha ka thaw pynyieñ kari wa em ha Additional Secretariat hadien wa yohbor na ki bor District ka East Khasi Hills.

U KL Pariat, u President ka seiñ da ong u wa i wym mano ka sorkar hadien wa da phah dorkhat da pynman ko ya kiwa kreh Muster Roll ka thaaiñ ri-loom Jaiñtia wow yakhih noh ha Shillong.

Da pyntip u leh wa i chah-thngan u pteiñ i hadooh wa yoh jubab na ka sorkar jylla neibhah ki Muster Roll ym em yoh nongsngi ki kattu la 7 bnai, wei kiwi ki dawa toh wow pynku ya ja nongsngi cha ka T. 300 chi sngi, wow e ya ka baibaam tymmen, wa kiwi kiwi.

Da dawa leh wow pynkrehkaam noh ya ka Meghalaya Regular Casual Workers Scheme (MRCWS) 1996 wa kiwi ki e myntoi na ka chnat Labour lyngba ka Meghalaya Building and Other Construction Workers Welfare Board (MB&OCWB) kiwa em hadooh 14-15 ngut tylli ki myntoi wa ki Muster Roll toh u yoh ki.

Da pyntip u leh wa ha ka 3 tarik uni u Bnai da e dorkhat ki leh cha u Montri  Rangbah ka jylla u Conrad K. Sangma lyngba u Political Advisor u Allantry Dkhar wow kyrpaad wow leh yeiwa emkaam.

Previous
Next

0 Comments

Leave a Reply