Mar 203 Run yoh ka Meghalaya waka Sikkim ha ka Senior Women’s One Day League

Jowai: Ka Sikkim da pynkut ko yei jop ban ban wa san sien ka Meghalaya ha ka Senior Women’s One Day League wa pynman ha Cuttack ynne ka sngi.

Ka Sikkim hadien wa jop ko ya ka kylla khlem da jied ko wow Bat nyngkong heiwa da yoh ko 203 Run deiwa haap lut ki Wicket na ki 50 Over, heiwa kawa kawang bol ka Meghalaya ka Vandana Mahajan da yoh khur ko 4/42.

Ya ka Sikkim da kamai Run boon dooh da ka Ananya Upendran kawa yoh 157 Run (Not out) wei lada ym em ko duna bha i kamai Run ka Sikkim.

Ka Meghalaya hawa kdong ko ya ka thong ka Saee Purandare da kamai ko 68 Run waka Debasmita Dutta da kami ko da 43 Run.

Related posts

EJHDFA 3rd Division: Jop ka Rymbai Pohskur wa ka Suchen

July 30, 2026

36 tylli Medal yoh ki khynnah ka West Jaiñtia Hills ha ka Inter School Karate Tournament

July 29, 2026

Ha ka Over wa khadooh da man ko kawa yoobang bha heiwa ka Meghalaya da yoh ko 203 Run deiwa sah sa le tyllli ki bol wei emkaam ko sa chi Run yow jop tangwa da haap noh ar tylli ki Wicket ko ha ki bol wa sah heiwa ka L. Tamang da haap noh ko ha ka kawang bol ka Upendran wei ka Razia Ahmed da chah Run Out ko ha ka Upendran, iwa mut wa ka Meghalaya da pynkut ko ya ki 50 Over da 203/6.

Katam ka kyndon kani ka lympung ini mut wa ym em wa jop.