Ka Elaka Nongjngi da pynman ko ya ka 1st Elaka Nongjngi Knockout Football Tournament kawa da sdang ynnin ka sngi ha madan Khliehchnong Nongjngi wei ki liang wa ye u chimbynta ha kani ka Tournament toh du ki chnong wa ki khon ka Elaka Nongjngi donhi wei da chah wow rah du 4 ngut donhi kiwa yalehke na baar ka Elaka.
Kiwa jop ya ka Final u yoh ki ya ka song poisa kawa Rs. 1,00,000 katwa ka liang wa rem Final u yoh ko Rs. 50,000.
Ha kani ka sngi wai pyrda, ka Namdong-B da yachem ko waka Nongjngi Khliehchnong heiwa ka yalehke man ko kawa yoosuk bha wei kawa jwat bha wei hadood wa kut i por da thap mar ar kool.
Kamtæ da rah ya ka yalehke cha ka Tie-Breaker heiwa ka Namdong-B da jop ko da 4-3 ya ka Nongjngi Khliehchnong.
Ya kani ka 1st Elaka Nongjngi Knockout Football Tournament da wan wai pyrda ya ka da u Dapoiwanmi Laloo, President Rangbah ka MPUF Central Body hei emlang u Chalbester Myria, General Secretary MPUF Nartiang Unit ryngkat i emlang ki Waheh Chnong, u Dolloi ka Elaka Nongjngi wa ki bru rangbah, ki manbei wa ki manpa yong ka Elaka.
Discussion about this post