Ka 1st Moodymmai 7-A-Side Knockout Football Tournament 2024 wa pynman da ka Moodymmai Sporting Union da sdang yaka ynnin ka sngi.
Ha ka yalehke wa nyngkong wa da pynman ha madanbol ka Moodymmai, ka Maya Club Wahiajer da jop ko ya ka UNIQUE FC da 4-2 deiwa yachut Tie-Breaker.
Ka yalehke hadooh wa kut i por da kut ko da 2-2 heiwa ya ki ar kool ka Maya Club Wahiajer da thap da u Kynmo Pala haka minit wa 24 wa 49 katwa ya ki kool ka UNIQUE FC wan da thap da u Fervency Slong haka mint wa 11 wa u Ohdimon Laloo haka minit wa 59.
Ha kani ka sngi da ya emlang u Saiñlang Laloo kam u kongsan neitæ u Asst. Waheh Chnong, u Chairman Chnong, ki dkhot chnong ka Moodymmai najrong ki waheh na ki dong kamjooh ki dkhot ka Moodymmai Sporting Union.
Ka yalehke wa bood u pynman haka 5 tarik da ar tylli ki yalehke kiwa daw sdang heipor 1:00 waje i sngi da ka Wahmoochut pyrchah yaka Dientharae SC katwa hei por 2:30 won, ka Deilang FC u yachem ko waka BTFC.
Discussion about this post