Ka 1st Sumer Got Talent da sdang ya ka ynnin ka 19 tarik heipor 5:30 i janmiet hapoh ka yung dorbar ka chnong Samasi, Sumer Elaka, East Jaiñtia Hills kawa da pynman da pynlai da ka Sumer Socio Cultural Sports Education and Entertainment Development Society (SSCSEEDS) deiwa ya krehlang waka AMS Entrepreneur Multipurpose Co-operative Society Ltd.
Ka thong kani ka tamasa toh wow kyntu ya ki sap ki phong yong ki khon ka Elaka Sumer.
Ha kani ka sngi da wan sakhi lang da u Phransis Swer uwa na ka chnong Khliehriat uwa da man leh kam u kongsan deiwa emlang u Wanthmu Phawa wa kiwi de.
Ha kani ka sngi kawa man leh kam ka 1st Round da man ko kawa lai bait heiwa neiliang ki ar seiñ wa pynman ya kani ka tamasa da pyntip paidbah ki wa neidaw wa dang boon ki khon ka Elaka Sumer ki wym pu yoh u ya chimbynta ha kani ka Sumer Got Talent kamtæ daw pynman biang ya kani ka 1st Round ha ka 27 tarik uni u bnai heipor 5:30 i janmiet ha Community Hall yong ka Dorbar Chnong Samasi.
Da pynkynmoo biang cha kiwa kwah u ya chimbynta lang ha kani ka Talent Show wa man ko du neibynta ki khon ka Elaka Sumer donhi, wei kiwon kiwon kiwa khaw u ya chimbynta wa hap ki wow rahlang ya ki kot ki sla wa emkaam yow pynsakhiat yei mantre ki hapoh ka Elaka Sumer wei ki kot wa emkaam toh ka Birth Certificate lane ka EPIC.
Kiwa chimbynta daw hap ki leh wow su ya bai chimbynta kawa T. 200 kawi ka kynhun næ ki bru samen, wei kiwa poi cha ka thong daw yoh ki leh ya ka song poisa kawa man kamni:
1st Prize- Rs. 10,000
2nd Prize- Rs. 7000
3rd Prize- Rs. 5000
Heiyatoh wa ka sngi wa pynman ya ka Final Round daw pynbna won cha phi ha ki sngi wow wan.
Ya ka yutip wa bniah ye phi wow yoh deiwa Phone ha kini ki Number: 7005166767/9856050447/7085708235/7005412465.