Jowai: Hadien wa kynthiar seiñ u Draison Kharshiing na ka PDF cha ka BJP, kiwa yahkhmat ka PDF kam u Malvi Timung na ka chnong Lapangap, u Dimitrius Kharlukhi, u Plelad Shallam na Umladang, neitæ u Jambor Lyngdoh na Lapangap wa u Datam Suting na Bambthong da wan ki wow kyrchaan ya u kyrtong ka Congress u Jopthiaw Lyngdoh na 1-Nartiang Constituency.
U Draison jooh man u kam u MDC wa u MLA na kani ka thaiñ wei ha kini ki sngi kiwa da lai da pynbna ya oo kam u u kyrtong ka PDF, wei du ha kini ki kajiak sngi da chim noh u da ka Ticket ka BJP wei kiwa kyrchaan ya oo da lai kyrchaan ki ya u Jopthiaw Lyngdoh.
Katkam ka khubor kawa da yoh da em leh boon kiwi kiwa yahkhmat na ki bynta waphær waphær ka Nartiang Constituency da wan ki wow kyrchaan ya u Jopthiaw Lyngdoh. Ha kini ki sngi kiwa dadep u Joseph Pariat naka chnong Moodymmai, u Kyrsiew Kharbithai na Maskut, u Charles Lyngdoh na ka chnong Tyrchang da wan ko wow e i kyrchaan ya u Jopthiaw Lyngdoh.
Nachwa u Elias Susngi uwa jooh kitkaam ya ka NPP naka chnong Namdong da wan u wow kyrchaan ya uni u kyrtong ka Congress. Ha kini ki sngi u Head Symblai naka chnong Nartiang, u Lis Suna na ka chnong Kdiap leh da wan ki wow krehlang wa u Jopthiaw.
Discussion about this post