Sdang ka Alliance Air ya ka lieñsuiñ wa lai na Kolkata-Guwahati-Aizawl-Shillong

U Montri ka sorkar pyrdi wa pait ya ka Civil Aviation, u Jyotiraditya M. Scindia deiwa emlang wa u Montri Khynnah, Civil Aviation, u General Dr. V K Singh (Retd.), u Rajeev Bansal, Secretary, Ministry of Civil Aviation (MoCA) da kaweh lama u lyngba ka Internet yow pynyabi ya ki sor ka jylla Northeast lyngba 6 tylli ki luti ka lieñsuiñ ka Alliance Air ynne ka sngi. Kini ki thaw wow lai ka lieñsuiñ toh Kolkata–Guwahati, Guwahati–Aizawl, Aizawl–Shillong, Shillong–Aizawl, Aizawl–Guwahati wa Guwahati–Kolkata.

U Dr. R. Lalthangliana, Minister of Health and Family Welfare, Higher and Technical Education, Commerce and Industry, U Robert Romawia Royte, Minister of State for Sports and Youth Services, Tourism and Information and Communication Technolog deilang wa kiwi de ki heh sorkar da chimbynta ki na Lengpui Airport, Aizawl, Mizoram lyngba ka Internet.

Da emlang leh ka Usha Padhee, Joint Secretary, Ministry of Civil Aviation, deilang wa kiwi ki sahep ka MoCA ha kani ka yalang wa pynman da ka MoCA.

Neiliang u Jyotiraditya M. Scindia da ong u, “Ka Mizoram da man ko kam ka dwar cha ka thaaiñ Northeast India. Wei ka Aizawl da man ko leh ka nongbah wa emkaam ha ki kaam uiñke suwari kamjooh ka khayi pateiñ. Kamtæ i u pynpoi thong i wow e thawanær yei angnood u Prime Minister, u Narendra Modi wa waroh iwa man kypang ki jylla wa toh u yoh u maad ki da waroh kiwa chong chnong ka ri. Nga kular O ya phi wa nga wa u General Dr. V K Singh (Retd.) daw wan i cha Mizoram ym slem de.”

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Chooh chooh da pynsñiaw u yei sñiawkmen wa ka Alliance Air da pynemkaam ko ya ki lieñsuiñ ATR yow pynhær ha ka thaaiñ Northeast. Kamtæ da ong u wa ynne ka sngi da pynskem wow pynyabi ya waroh kawi ka Northeast India deiwa pynyabi ya kini ki 4 tylli ki sor da iwa lai tista ka lieñsuiñ. Da kdaw u leh wa hapoh ka UDAN Scheme, da pynyabi ya ki sor kiwa nachwa ym jooh em wa lai hær cha ki.

“Da dep i wow sdang 60 tylli ki Airport yow lai cha 387 tylli ki thaw heiwa na kini da jied 100 tylli ki thaw wa em hapoh Northeast wei na kini da pynkrehkaam ya 50 tylli. Ha u 2014 em du 6 tylli ki Airport wa krehkaam ha Northeast, katni da em 15 tylli ki Airport du ha i por wa tbian wa 7 snem. Hapoh ka KRISHI UDAN Yojna, da jied i ya 16 tylli ki Airport yow pynku ya ka khayi pateiñ,” da ong chooh chooh u Montri.

Da ong u leh wa da iwa sdang yei hær ka lieñsuiñ wa nyngkong ynne ka sngi daw yarap bha ko leh ya ki kaam uiñke suwari yow yoh ki bru wow yoo ya ki loom ki wah, ki khloo ki kjam, ka yor u thah kamjooh wow yoo ka pyrthai ya ka dustur riti wa boon jait.

Heiyatoh wa ka Meghalaya da ong u wa man ko ka thaw ya ki uiñke suwari wa maya ya ka rymaw. Ka Shillong kawa kær kut da ki loom ha waroh ki liang wei kawa pawnaam leh ha ka puræ puthi neibynta ka thaaiñ mihsngi waroh kawi. Ka Meghalaya pawnaam ko leh hei joor slap, ki krem, ki kchaaid wa jrong bha wa ka riti dustur wa phooh wa phieñ.

Kamjooh da yaroh u leh ya ka Aizawl kam ka thaw wa jrong ki loom, ki jaitbru wa mahajon ha ka dustur riti kamjooh ki mar wa miat wa chna da ki bru najrong i miat ka rymaw.

Chooh chooh da kdaw u wa lyngba kini ki lieñsuiñ, kiwa lai luti na Guwahati, Aizawl wa Shillong daw ye ki leh wow mih yow lai cha kiwi ki bynta ka ri.

Da sdang leh ya kawa nyngkong dooh ka lieñsuiñ wa lai na Tirupati-Delhi ynnin ka sngi, ka chnong wa pawnaam ha Andhra Pradesh kawa em ya ki Temple kamjooh kiwi kiwa da chna da pynyieñ da u warim.

I rukom hær kani ka lieñsuiñ nadooh ka 19-10-21 u man ko kamni ha wah: