Ka 4-Mowkaiaw Block Congress Committee kam chibynta wow sdang noh ya ka luti neibynta ka Election ha u snem 2023, da chim ko ya ka rai wow pynman ya ka yalang wa kyrpang ha ka 1 Wisu (March) 2021 ha yung Dorbar Hall ka chnong Mowkaiaw heipor 12:00 i sngi.
Ha kani ka yalang najrong ki kyntien kyntu na ki heh ka Party wa i phyllu yumut daw pdiang sñiawbha leh ya ki kattu katni ngut ki waheh wasian wa ki khynroo ka thaaiñ ki wow psiah dkhot cha ka Party.
Kamtæ neiliang ka 4-Mowkaiaw Block Congress Committee (BCC) da kyrpaad ko ya ki bru ka Party wei da khut sñiawbha ya ki paidbah wa chong chnong chynrang wa kynthai ka 4-Mowkaiaw Constituency kiwa jooh kyrchaan wa kiwa ym jooh kyrchaan leh kiwa kwah u wan cha ka yalang khnang wow yoh u phyllu yumut hajrong ki kaam ka seiñ neini chaphrang.
Sa chisien neiliang ka 4-Mowkaiaw BCC da paan maap ko na waroh wa ymye ko u phah da ki Notice cha uwi pa uwi wei da kyrpaad leh wow wan cha ka yalang khlem pep khnang wow man ko kawa jop.
