Sdang ka e sikai neibynta ki khynnah kynthai yow tip u yada na ki bru wa chimkabu

Ka yung krehkaam yong ka District Mission Coordinator, SSA West Jaiñtia Hills nadooh ka 6 tarik uni u bnai da sdang ko u pynman ya ka Self-Defense Training for Girl’s Students neibynta ki soo tylli ki thaw puræ wa kynthup ya ka R.C. Eve Mihmyntdu UPS SSA, Panaliar SSA UPS, Thadlaboh Presbyterian UPS SSA, Q.C. Springside UPS wa ka Panalaiar UPS SSA.

Ha ka yalang wai pynemburom ya kani ka Self-Defense Training wa 3 bnai hei pynlai ka Baiahunlang Phawa, Asst. Teacher R.C. Eve Mihmyntdu, da yoh i klam chaphang ka Self-Defense Training na u Alan Niangti, President WJHKDA wa na ka Sam-I-Naki War Passah, Member WJHKDA, Jowai, i khana parom wa tbian chaphang ka thong yong kani ka e sikai na u S.D.Laloo, Community Mobilizer, SSA katwa i klam e mynsien ya ki khynnah skur na u Fr. H. Lamare, Parish Priest ka Jowai Dociocese uwa man kam u kongsan ha kani ka sngi.

Neiliang ka Sam-I-Naki War Passah da chimbynta ko wow e i klam i batai chaphang i emkaam ka Self-Defense Training ya ki khynnah kynthai.

Related posts

Chah tim u heh warim ka sorkar Bangladesh ha New York Airport

October 13, 2026

Da wai ya ka Meghalayan Age Pavilion ha Ward’s Lake yow kyrchaan ya kiwa seiñ khih ka wow man leh ka rynsan ya kiwa em yei sap i tap wa boon jait

October 13, 2026

U Fr. H. Lamare chwa wow e yei klam da booh da siang u leh ki kyntien pynap Blai wei hei klam yong oo da kyrsu kyntu u ya ki khynnah wow man kiwa tip u ri yei burom akor wei wow pynlai yumut heipor wa chah sikai khnang yow man kani ka thong wa jop wei burom leh ya ka skur, ka District waroh kawi.

Khaddooh chwa wow poi ka bynta wakut yong kani ka yalang hei yahkhmat u Na Oo Mankiwi War Passah, Instructor 2^nd Dan Black Belt wa u Ribeit O Pde, Instructor 1^st Dan Black Belt da em i pynyoo ki dkhot ka WJHKDA hapyrdi ki khynnah ya ki buit ki budia kammon wow yada ya idæ hawa em ki bru wa thmu u lehbor thombor ya ki.