Ka Inter-Dong Football Tournament ka chnong Wahiajer da sdang ya ka ha ka 10 tarik uni u bnai kawa da wan wai da u Lovely Shylla deiwa emlang u Waheh Chnong ka Wahiajer, u Sanwotki Laloo uwa da e leh ya ki kyntien sneiñ kyntu deiwa emlang ki dkhot ka Wahiajer Sports Club.
Da emlang leh u Secretary chnong ka Wahiajer, u Andriew Sari wa kiwi kiwa ksohkaam ka chnong Wahiajer deilang ki paidbah.
Ha kani ka Tournament da wan wow chimbynta da ki 8 tylli ki dong wa em ha chnong Wahiajer dei thmu wow sai yei sap i phong ki khon ka chnong Wahiajer wei da pynman ya ka ha Wahiajer Sports Complex.
Ha ka yalehke wa da pynman, ka Jalapang SC da jop ko ya ka Lummuriap da 6-1, heiwa ya ka Jalapang da thap kool da u Reform Pale 3 tylli wa mar chi kool na u Sauni Phawa, u Oliver Pale wa u Ebormi Jat katwa ya ka Lummuriap da yoh thap da u Mehi Nongrum.
Discussion about this post