U Montri Rangbah ka jylla, u Conrad K Sangma deilang wa u Montri Khynnah ka sorkar pyrdi wa pait yaki kaam uiñke suwari, u Shripad Yesso Naik, ynnin ka sngi da wai ki yaka 11th International Tourism Mart (ITM) kawa 3 sngi ha Lariti International Centre for Performing Arts and Culture, Shillong kawa daw kut haka 23 tarik.
U Conrad hawa e yei klam da ong u wa ka Tourism toh kawa ye u pyntikna wow pynyoh kreh ha kini ki por wa katni wa boon ki khynroo khyllood kiwa thooh kreh wei ka sorkar leh sñiawthooh ko wa ki kaam uiñke suwari toh kawi na ki chrot wow pynku yaka kamai kajih hapoh ka jylla, kamtæ da chimkhia bha wow pynku ya ini i kaam.
Da ban joor u leh yeiwa emkaam u embynta lang ki chnong ki thaw ha kini ki kaam deiwa sumaar sukhær yaka rym-aw heijooh i por.
Ha kani ka ITM da em kiwa chimbynta na 28 ngut kiwa wan na 18 tylli ki ri wow dai ya ki mar yong ki wa 50 ngut won na kyllieñ ka ri kiwa man kam ki Tour Operator, kiwa pynlai Hotel wa kiwi kiwi de kiwa da kwah wow yoo yei long i man ka thaaiñ North East kiwa boon toh kiwa miat wei ki wym pu em bha bna naam ki tangwa kiwa boon ki bru katni da kwah ki wow wan cha kani ka thaaiñ.
Discussion about this post