Sdang ka lehkem Wangla wa soo sngi ha Asananggre

Shillong: Ka Hundred Drums Wangala Festival wa 4 sngi da sdang ya ka ynne ka sngi Asananggre, West Garo Hills, wa em hajan Tura dewai pynman ya ki yalehke tynre kam ka yatan tylle, wa kiwi kiwi.

Ka Wangala toh ka lympung lehkmen ki Garo kawa pynman hadien wa dep ah kba ki ha ka tayaw wa ar u Khonchonglad man u snem.

Ha kini ki 4 sngi da man ko kam ka lehkmen sñiawngooh ya ka Misi Saljong wa tip leh kam ka Pattigipa Rarongipa kawa man kam ka wah bah kawa yarap wow wanrah ya i rep wa bha.

Ka Wangala katni da sdang wiar ko kam ka dustur riti ki Garo, kamtæ da pynchna ki ya ka Wangala katkam ki por wa katni yow ka-it ki paidbah u leh ya ka.

Related posts

Chongkun ka Behdieñkhlam ka Raij Muthlong chirup ka wyrta chula wow yakhun yei drugs

August 8, 2025

Phooh phieñ ka Behdieñkhlam 2025 ka Raij Ialong | Rs. 10 lak yoh yarap yow chna ya ka yung Seiñraij

August 7, 2025

Hei pyrtuid wa pynman ya ka katni kawa tip kam ka 100 Drums Wangala Festival da sdang nyngkong 6 wa 7 tarik u Kmaichonglad (December) ha u snem 1976 ha Asanang, Headquarter ka Rongram Development Block, wei ha u snem wa bood da pynman ya ka ha ka tayaw wa ar Khonchonglad (November) ha Asananggre wei katwa dang lai ki snem dang heh dang phooh ko.

Ki yalehke tynre da tip ya ki kam ka Wapong Sika, Jakpong Pea, An∙ding O∙ka, Rong∙ma Chilsusaa, Rong∙ma Gosusaa wa kiwi kiwi.