15 49.0138 8.38624 1 0 4000 1 https://wyrta.com 300 0

Deiñ lama yong ka Congress wow pyrchah ya i pyndooh poisa ka sorkar pyrdi ka BJP

0 Comments

Shillong: Ka Congress Shillong City ynne ka sngi da pynman ko ya i deiñ lama yong wei wow rah placard ha pchem ka party u ha Shillong wow pynsñiaw yei pyrchah yei pyndooh ya ka poisa T. 1000 wa T. 500 da ka sorkar NDA wa yahkhmat da u Narendra Modi kawa da dap chi snem ynne.

Ha kani ka sngi, kiwa yahkhmat ya ka Congress wa kynthup ya u Symbood Montri Rangbah u Dr. RC Laloo, ki dkhot seiñ kynthai ka party, wa kiwi kiwi da yashim bynta ki ha ini.

Advertisement ad1

Da pynbaad wa i pyndam ya kini ki poisa ym em u wanrah ko iwon iwon i myntoi ya ki paidbah wa ka ri tangwa da wanroh ko du i awri awra wa i thut ya ki paidbah ha ki jylla ka ri waroh kawi.

Hawa yaklam wa kiwa pathai khubor u Dr RC Laloo da ong u wa hanlada i thmu ka sorkar BJP toh wow khang ya ka poisa wa baam-tooh tangwa ha kiwi ki thaw ka jylla wa em wa ki khappood ka ri Bangladesh, i yoh ki wow thap poisa tooh man i hadooh 80% wei ini pynyoo i wa sepai i leh ka sorkar pyrdi waroh.

Da ong u leh wa i thmu ka sorkar wow wanrah da ka rukom su poisa deiwa khlem pynemkaam ya ka poisa kot namo ka digital payment da man ko kawa sepai neibhah wa ha kani ka jylla Meghalaya, wat tang ka network internet leh ymyoh bha khamtam cha nongkyndong.

Heijooh i por da ong u wa ha kini ki snem i yap ki bru neidaw wa dooh poisa da poi ko cha ki spah ngut hajrong wow pynchaad ya ki paidbah hadooh wa ymyoh de ki u su u tda khamtam hawa kjut wa chitom heipor wa pyndooh ya ka poisa.

0 Comments

Leave a Reply