theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Sdang ka North East India Festival ha Bangkok

Ka tamasa North East India Festival kawa ar da wai ya ka ynnin ka sngi ha Bangkok, Thailand deiwa lai embynta u Chief Minister ka Meghalaya, u Conrad Sangma, u Chief Minister ka Nagaland, u Neiphu Rio, u Jurin Laksanawisit, Deputy Prime Minister ka Thailand uwa man leh kam u Commerce Minister, u Chowna Mein, Deputy Chief Minister ka Arunachal Pradesh, u RK Ranjan, Union Minister of State(External Affairs), ka sorkar India, u Urkhao Gwra Brahma, Textile Minister ka Assam, u Nakap Nalo, Tourism Minister ka Arunachal, u Robert Rongmawaia Royte, Tourism Minister ka Mizoram, u Jogen Mahan, Revenue Minister ka Assam deilang wa ki heh ki haaiñ ka sorkar Thailand.

Da wai ya kani ka tamasa dei chaad Sattriya na ka Mridusmita Das wei da yoh ya ki ktien pdiang burom na ka Suchitra Durai, ka Ambassador ka India cha Thailand kawa da ong hadien wa ka sien nyngkong kani ka tamasa man ko kawa jop, da pynman ya ka sa chisien yow pynkhlan yei yatoh lok hapyrdi ka India waka Thailand.

Advertisement ad1

Neiliang u Laksanawisit, Deputy Prime Minister ka Thailand da ong u wa ka ri Thailand toh kawa jan bha waka North East India deiwa yooluti wow pynku ya ka khayi pateiñ kamjooh ki kaam uiñke suwari hapyrdi kini ki arliang.

U Chowna Mein, Deputy CM ka Arunachal da klam u ya iwa boon wa sariem ki dustur riti, ki baam ka Thailand waka North East wei da khana u leh chaphang ka Arunachal deiwa khut sñiawbha u wanke cha ka jylla u.

Neiliang u Conrad Sangma, Chief Minister ka Meghalaya da khana u yei parom ka North East India waka Thailand deiwa ong wa ini toh dang i sdang donhi wei hap wow pteiñ i ya krehlang ha waroh ki kyrdan yow wailaad i khayi pateiñ wa kamjooh ki kaam uiñke suwari.

U Neiphu Rio, Chief Minister ka Nagaland da khana u chaphang ka Nagaland wa i ye ko wow man kam ka thaw uiñke suwari wa pawnaam deiwa yooluti wa kani ka North East India Festival daw ye ko wow pynmankaam ya ini waroh nadooh ka khayi pateiñ deiwa pynchlur wow wan seiñ khih ha Nagaland kamjooh waroh kawi ka thaaiñ North East.

Ha kani ka tamasa da em 81 ngut ki dkhot ka TaFMA Nagaland kiwa da e yei chaad, i rwai tynre kamjooh ki i tem sur ki ri sepsngi iwa da pynchongchit ya ki paidbah.

Da pynyoo rong leh ya ki mar ki mata ka North East nadooh ki baam, ki soh ki pe, ki that ki nep wa kiwi de heiwa da em leh 150 ngut ki Tour Operator ka Thailand kiwa da ya wan wow embyntalang.

Ya ini waroh da pynman ha ka Shopping Mall wa em ha Bangkok kawa tip kam ka Central World wei da pynman leh ya ki chaad tynre heipor janmiet, ka Fashion Show, deiwa em ka put ka tem na ki dhab tem wa pawnaam ka North East kamjooh na Thailand wa kiwi kiwi de.

Kani ka tamasa toh kawa daw pynman le sngi.

Advertisement ad1
Share this:
Previous

2nd Sumer League 2022: Jop ka Kur Salahe Pakem FC

Next

Da ki chuki e yarap ka EJNC ya ka Balang Presbyterian Khliehmyntriang