Sdang ka Road Safety Week ha East Jaiñtia Hills 

Kam chibynta yong ka Road Safety Week 2023, ka yung krehkaam u District Transport Officer, East Jaiñtia Hills District, Khliehriat chirup wa ka District Administration, Public Works Department, Police Department wa ka Health Department da pynman ki ya i pynsñiawthooh namo ka “Swachhata Pakhwada” wow pynman ya i chngaaiñ ha sarok wei ya kani ka yalang da pynman ha Khliehriat East Parking Lot, East Jaintia Hills District ynnin ka sngi.

U R. Hinge, District Transport Officer, East Jaiñtia Hills District, da ong u wa da ku i yap ki bru neidaw i tyrrah kari ha jylla kamtæ kani ka Road Safety Week da pynman wow pynsñiawthooh wei wow pynduna ya i tyrrah kari. Da batai u leh ya ki kyndon wow bood khnang wow lait nei tyrrah kari. Da klam u leh chaphang ki dak namo ki Signs kiwa da pynyieñ ha rood sarok yow yarap ya ki paidbah yow lait ki nei maa.

U District Transport Officer da kyntu u leh ya waroh wow bood ya ki kyndon yah kari wei ini i pynsñiawthooh daw pynman ha kylleiñ ka District hadooh ka 31 tarik.

U B. Warjri, Sub Inspector, I/c Traffic Cell, Khliehriat da ong u wa ki kari kamjooh kiwa yah emkaam u em ki ya waroh ki kot ki sla wa emkaam kam ki Driving License, Vehicle Registration Certificate wa kiwi kiwi. Da kyntu u leh ya kiwa yah wow sylli bha ki ya ka kari khnang wow lait ko u thut hapyrdi wa yah kamjooh leh wow bood ya ki kyndon, ymtoh u jhan u knieh pali khamtam hawa em i sahkut kari.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

U H. Dkhar, MVI ka yung krehkaam u DTO da khana u ya kiwa toh u leh hawa yah kari yow lait na iwon iwon iwa sñiawsih khamtam hawa joor slap wei wow bood ya ki kyndon hawa yah kari wei ymtoh wow diah kiad, u pynemkaam Phone hawa yah kari, u pynemkaam ya u Seat Belt kamjooh wow booh ya ka First Aid Box wei wow sap Helmet hawa yah ya ki kari ar chaka.

Kiwi kiwa klam toh u T. Dkhar, Junior Engineer(JE) naka yung krehkaam u Executive Engineer, Public Works Department (PWD) (Rds), East Jaiñtia Hills District, Khliehriat wa u I. Dkhar, Enforcement Inspector naka yung krehkaam u District Transport Officer, East Jaiñtia Hills District, Khliehriat.