Ka sorkar Meghalaya da sdang ko da ka Early Salary Advance (ESA) Scheme neibynta kiwa kreh yong ka (Regular Employees) heiwa ya kani da wan wow wai da u Dr. Vijay Kumar D, IAS, Commissioner & Secretary, Finance Department deiwa emlang ki heh sorkar ka chnat Finance wa ka NIC Meghalaya.
Kani man ko leh kam chibynta ka thong u Chief Minister, u Conrad Sangma wa kat ha u snem 2032, ka Meghalaya u man ko kawi na ki jylla wa da lai bha chakhmat wei kawa da pynkhreh neibynta ka mynried ym du ha iwa chna wa tei tangwa wot ya kitu kiwa pynkreh yei kaam ka sorkar man-ka-sngi nadooh kiwa sikai, kiwa kreh hei chait i khiah wa kiwi kiwi de.
Hapoh ka Early Salary Advance (ESA) Scheme, kiwa kreh ye ki wow yoh smat kajiak ka tulop ki chwa wow poi ka sngi wa su tulop ya ki manda emkaam jhan ya ka poisa. Kamtæ yow ye u leh yeini, da tipmit ya ka InstaPe kam ka wow pait yow leh yeini deiwa ya krehlang wa ka Suryoday Small Finance Bank kawa man kam ka wow e chwa ya ka poisa hapoh kani ka Scheme.
Deiwa leh kamni daw pynsuk ko ya kiwa kreh sorkar wei yow lait u khia ka yukit ki hawa emkaam poisa ki wei yeini u leh da ka rukom wa khooid yow pynyoh smat ya ka poisa manda emkaam jhan. Yeini waroh u leh deiwa pait ka Directorate of Accounts & Treasuries kawa em hapoh ka Department of Finance kam ka wow pynkrehkaam yeini.
Neiliang u Atul Gupta uwa man kam uwa seiñ ya ka InstaPe, da pynsñiaw u yei sñiawngooh wa da tipmit (Empanelled) ka sorkar Meghalaya ya ki wow leh yeini i kaam wei da kular leh wow e yei chakri wa bha tam neibynta kiwa kreh sorkar ka Meghalaya.
Yow tip bniah ye kiwa kreh sorkar wow Phone ha ini i Number-8655704773.
Discussion about this post