Jowai: Ka Inter School Football Tournament kawa tip leh kam ka Subroto Cup 2019 da sang ya ka ynne ka sngi ha Jowai ha Kiang Nangbah Stadium neibynta ki skur wa em hapoh West Jaiñtia Hills District wei da pynman ya ka da u District Sports Officer, WJH.
Ya kani ka Tournament da yabhah ha ki le bynta ka Under-17 Boys, Under-14 Boys waka Under-17 Girls.
Haka Under-17 Boys da wan chimbynta 29 tylli ki skur, haka Under-14 Boys da em 21 tylli ki skur katwa haka Under-17 Girls da em 10 tylli ki skur.
Ki yaleh wa sdang ynne ka sngi da pynman 6 tylli, waroh yong ka Under-17 Boys.
Ki Result man ki kamni hawah:
Ka Jaiñtia HS School da pynrem ko yaka Jowai Govt. UP School da 3-0.
Ka Ladthadlaboh UPS da pynrem ko yaka Che’s Star Secondary School da 3-0.
Ka Govt. Senior Basic School Mynso da pynrem ko yaka Moodymmai Secondary School da 1-0.
Ka Padu Secondary School da pynrem ko ya ka Church of God Secondary School Ummulong da 4-0.
Ka Mookyndur Secondary School da pynrem ko yaka R.C Evening Secondary School Mihmyntdu da 3-2 lyngba ka yachut Tie Breaker.
Ka KJP Synod Higher Secondary School da pynrem ko yaka Ummulong Presbyterian HS School da 1-0.
Discussion about this post