Sdang ka Thadlaskein Football League dei jop wa 9-0 ya ka Jalapang

Ka Thadlaskein Football League 2024 wa pynman da ka Thadlaskein Sports Association (TSA) da sdang ya ka ynne ha madan Mini Stadium warim ka Wahiajer dei jop ka Jalapang SC da 9-0 ya ka Takhniang SC.

Ya kini ki kool ka Jalapang SC da yoh thap da u Kynmaw Phawa ha ka minit wa 15, u Oliver Pale ha ka minit wa 30 wa u Nangroi Laloo ha ka minit wa 69 neitæ ki Hat-Trick na u Lumlangki Phawa ha ka minit wa 17, 40 wa 75 wa u Eladmi Lyngdoh ha ka minit wa 44, 48 wa 73.

Ya kani ka sngi sdang da wan wow sakhi da u Wailadmiki Shylla, MLA ka Jowai wei ya ka yalang wai pyrda da pynlai da u Ebrist Pariat, Vice President TSA, da yoh yei klam na u Kmenlang Shylla, President TSA, na u DSO ka West Jaiñtia Hills, u Khroobok Passah wa na u MDC ka Amwi Khliehtyrshi, u Lakhon Dkhar.

Neiliang u Wailadmiki Shylla da kular u wow e na oo ya ka song poisa ka liang wa rem Final kawa Rs. 50,000 katwa u Sniawbhalang Dhar, Symbood Montri Rangbah da kular u wow e ya ka song poisa ya kiwa jop Final kawa Rs. 1 lak.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ka yakhun mynstep u sdang ko nadooh 10:00 waje i step hapyrdi ka United FC wa Tympang SC wei daw pynbood da ka Kdohkule wa ka Heibor Iong I FC heipor 12:00 waje i sngi wei daw pynkut da ka yalehke hapyrdi ka Iawthymblein wa Lumkynsaw SC heipor 2:00 waje i sngi.

Waroh ki Team wa chimbynta da em ki 58 tylli.