Jowai: Ka Wahiajer Sports & Cultural Club hei ya krehlang wa ka yung krehkaam u District Sports Officer (DSO) ka WJH ynne ka sngi da sdang ko ya ka U-15 (Boys & Girls) Football Tournament.
Ya kani ka lympung da pynman ha madan bol ka Wahiajer, West Jaiñtia Hills.
Ynne ka sngi chwa wow sdang ya kani ka lympung yalehke football da em ka yalang heiwa u DSO ka District u H. Shangpliang da man u kam u kongsan, hei emlang u Waheh Chnong ka chnong u K. Shylla, ki waheh wasian yong ka chnong wa kiwi kiwi.
Ya kani ka yalang da pyllai da u Sports Secretary ka chnong u D. Phawa uwa da pyntip leh wa i thmu yong kani ka lympung toh wow jied ya ki khynnah kiwa em sap ha kani ka jait yalehke khnang wow ye u esikai pynpliah ya ki.
Ha kani ka lympung da wan yachim bynta hadooh 10 tylli ki dhab chynrang wa 4 tylli ki dhab kynthai, kiwa yalehke toh kiwa wan na ka chnong Wahiajer wa kiwi ki chnong kiwa em marjan wa ka.
Discussion about this post