Shillong: Ki dkhot ka HYC ynne ka sngi da sdang ki ya i wah lama rong yong na khyrdop ka yung sah ka montri ka tnat ka chait i khiah ka Jylla ka Roshan Warjri ha Mawkhar ka wa poor won sa cha kiwa boon ki bynta ka nongbah Shillong hadooh wow poi ha ki khyrdop yung sah yong u Montri Rangbah, u Dr. Mukul Sangma, ha khmat yung sah ka Montri ka tnat Labour, ka Ampareen Lyngdoh wa ha khyrdop ka Khasi Hills Autonomous District Council (KHADC).
Ya ini i wah lama kamjooh i pyndeiñ lama ka HYC toh kam chibynta i yakhih wa jai jai wow dawa na ka sorkar wow pynkrehkaam noh da ka Inner Line Permit (ILP) ha ka Jylla wow khanglaad yei psiah i mih ki baarjylla katwa ngait ki chapoh ka jylla.
Ya ki lama yong da wah leh ha kiwa boon ki thaw ha sor wa kynthup ha Mawlai, Motphran wa Khyndailad kiwa em leh ki thoh pyrchah ya ki Montri Sorkar.
Kani ka pyndeiñ lama rong yong toh hadien wa ki 12 ngut ki montri sorkar ym em wan ki cha ka yalang wa khut ka seiñ wow yaklam hajrong ka ILP wa kiwi kiwi de ki phang wa ktah ya ka jaitbru.
Ha kani ka rah lama yong ka HYC da yoh yutip leh wa da chah kem ki arngut ki dkhot neidaw wa lai paidbah ki wei da rah ya ki cha Sardar Police Station tangwa hadien wa lai yaklam ki heh ka seiñ da pyllait ya ki khlem pyntoh ya ki ha kawon kawon ka kyndon ka aiñ.
Discussion about this post