Sdang ka yalap Election ka Agatha naka chnong wa e pyrtuid u pa ko kam i thaw wa yoh yei jop

Jowai: Ka National People’s Party (NPP) ynne ka 19 tarik da sdang ko ya ka yalap Election yaka Agatha Sangma na Adokgre wa em ha North Garo Hills, kawa e pyrtuid da u pa ko u (L) Purno Agitok Sangma kam ka “Chenanggre”, iwa mut i thaw wa yoh yei jop. 

Ha ki 30 snem wa nachwa u Purno da sdang u ya ka yalap Election na kani ka thaw wei da jop u boon ki Election. Kamtæ ka Agatha Sangma leh haka Election wa nyngkong yong ka da sdang ko ya ka yalap Election na kani ka jooh ka thaw 10 snem nachwa wei da jop ko.

Hawa klam ka Agatha ynne ka sngi da ong ko, “Ha u snem 2008 hawa psiah O cha ki kaam saiñ hima yow yakhun MP cha ka Lok Sabha, u pa O em u ha chrooh yong nga wei dang khian rta bha O ha itu i por wei u Dr. Mukul Sangma ha itu i por da kyntait u wow yeiñ pyrchah ya nga tangwa katni manda heh O ye u man i daw wa da rai u wow yeiñ pyrchah ya nga.

Da kular ko leh wow klam neibynta ki jaitbru Garo hapoh Parliament wei ha kini ki por wa da lai katni da sñiawthooh chooh chooh ko ya iwa emkaam ki paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Ka NPP man ko ka Party kawa kreh neibynta ki jaitbru waroh wa em hapoh ka thaaiñ mihsngi wei nga emlang O wa kiwa boon kiwa yahkhmat kani ka thaaiñ iwa yarap leh ya nga wow kreh neibynta kani ka thaaiñ,” da ong ka Agatha.

U Chief Minister warim uwa man leh uwa e buit ka sorkar MDA u Dr. DD Lapang won da ong u wa, “Heipor waka Agatha da baam smai ko kam ka Union Minister wa khian rta dooh ka ri waroh hapoh ka Parliament da yaroh ki yaka wei toh u sñiawsarong i wa da wan biang ko wow yakhkhmat yaka jait bru haka Lok Sabha.”   

Da ong u leh oo kam uwa jooh kreh waka Congress kawa da sdang wiar katni, ym em do ko i mynsien ka Indira Gandhi, u Rajiv Gandhi wei ka Sonia Gandhi leh katni da tymmen ko wei waroh man i iwa da lait hapoh kani ka Party wei na ini i daw ieh u ya ka Party wa da chakri u la 50 snem.

U National President ka NPP uwa man leh u Chief Minister ka Meghalaya u Conrad Sangma da ong u wa kani ka Election MP cha ka Lok Sabha waka Election MLA ha Arunachal Pradesh man ko kawa emkaam bha yaka NPP kawa katni kawa da kdar ya ki thawaner ko ha kani ka thaaiñ wei emkaam wow pynyoo ya i chaniah ki paidbah ha waroh hadooh hapoh Parliament.