Ka Mei-Ramew State Agroecology Cooperative Society da wai ko ya ka yaaw ki warep namo ka Farmers’ Market wa nyngkong dooh ha Ladmawphlang neibynta ki warep na kiwa boon ki chnong yow yoh ki leh ka rynsan wow pynyoo ya ki mar rep ki kiwa da thung khlem da pynemkaam da ki sboh dawai kiwa da man kam ki Organic Product.
Kani ka yaaw da ye u sdang deiwa ya krehlang ka NESFAS, ki Cooperative Society deilang ki chnong wa kynthup nadooh Ladmawphlang, Laitsohpliah, Mawstep, Pyrda, Mawbri, Laitlyndop, Nongpriang, Nongtraw, Dewlieh, Mawmihthied wa Kshaid kiwa da dai ym du ki mar rep tangwa ki mar baam wa da chna hi ki warep.
Kani ka yaaw da man ko leh kawa da ka’it bha da kiwa uiñke suwari kiwa da yoh u yoo ya ki mar rep tynre kamjooh ki baam heiwa kawi kawa na Mumbai da yaroh ko yeini wow yoo ya ki mar ki wym jooh em yoo cha ki.
U Gavin Mylliem, MLA ka Sohra kam u kongsan da pynsñiaw u yei kmen wow yoo wa kani ka yaaw da khriñ ko hadooh ya kiwa uiñke suwari deiwa ong wa da emkaam bha wow pynpawnaam ya kini ki mar rep tyrne yow yoh myntoi ki warep heijooh i por leh wow yada wei pynneh pynsah ya i rukom rep yong rim.
U Nestar Kharmawphlang, Chairperson ka NESFAS won da ong u wa ini i rukom rep yong rim daw yarap ko wow yada ya ka ram-aw najrong kini ki mar rep man ki leh kam ki dawai, kamtæ da emkaam wow pynyoo yei kyrchaan ya ki warep yong i.
Discussion about this post