Yoh ka chnong Latyrke ya ka thaw pynlang jhep wa chna da ka poisa na ka DMF

Kam chibynta ka Swachhata Hi Seva Campaign 2024, da pynman ya ka thung dieñ wei pynsñiawthooh paidbah yei rukom pynlum pynlang yei jhep ha chnong Latyrke wa pynman da ka District Swachh Bharat Mission (Gramin).

Ha kani ka yalang da emlang leh ka MLA ka Sutnga-Saipung, ka Santa Mary Shylla kam ka kongsan deilang u DC ka East Jaiñtia Hills wa kiwi ki sahep sorkar kam na ka chnat PHE, ki waheh chnong deilang ki paidbah.

Ka kongsan ha kani ka sngi da wai ko leh ya ka Waste Recovery Centra ka chnong Latyrke deilang ki kamra skur wa thymme ka Latyrke Secondary School.

Hawa e yei klam, ka MLA da yaroh ko ya ka chong Latyrke wa ya krehlang ki yow pynemkaam dei miat ya ka poisa napoh ka DMF yow ye u pyndep ya kini ki ar tylli ki kaam nadooh wow chna kamra skur wei wow chna ya kani ka thaw pynlang jhep.

Related posts

Tyrwa u MP ka BJP wow pynkylla noh yei pyrtuid ka New Delhi Railway Station hei pyruitd u PM warim ka ri

July 7, 2025

Em kiwa chet kylla ya ka jaitbru Ynñiawtrep yow e laad ya kiwa na baar yow chongdai ki: HNLC

July 7, 2025

Da pynkynmoo ko leh ya kiwa chong chnong wow man ki kiwa leh khooid ym du ha ki yung ki sem tangwa kamjooh leh cha lait wa ha waroh ki kaam wa leh ki man-ka-sngi.

U DC da yooluti u wa kani ka thaw pynlang jhep daw man ko leh kam ka thaw wow pynmih poisa deiwa ye u pynkhlaad yei jhep nadooh wow chna sboh wei wow dai cha kiwa ye u pynemkaam ki da kamwi won.