Sdang nyngkong ka Loomkyrwiang ya ka Bamphalar uni u snem da ka Drama ‘Nasib Da Bynta’

Ka Bamphalar toh kawi na ki rukom dustur wa da leh da pyndep ha chnong Jowai da ki kattu katni tylli ki dong ki chnat chwa wow sdang i rep i riang cha hali pynthor.

Kamtæ ha uni u snem ka Loomkyrwiang Dorbar Chnong hei pait i pynlai ka Bamphalar Committee da man ko kawi na ki dong ki chnat wa pyndep nyngkong ya ka Bamphalar yong uni u snem 2025 deiwa pynman ya ka lehke Drama ha Yungwalieh ha ka sngi Muchai 25 tarik uni u bnai katwa ha ka sngi wa bood won da em i baamdoh sñiawbha ha Yungwalieh da waroh ki khon ka dong ka chnat, u loom u pdeiñ iwa man katkam ka rukom-dustur wa da pynjooh sikai na warim.

U Lammat-Oo Laloo, Waheh Chnong kam u chongknor yong ka yalang da e u ki kyntien yahkhmat heiyatoh wa ka Bamphalar deiwa kynmoo maya leh ya i pyrtuid i naam ki waheh wasian, manbei manpa kiwa jooh ka-it, sñiawsuk u embynta ha i lehke Drama wei ha kitæ ki por ka Loomkyrwiang daman ko kawi na ki dong wa bna naam wa em ya ki bru emsap hei thoh Drama, thoh sur wei wow man leh kiwa rwai wa put wa tem.

Chooh chooh dei sñiawkhia yei man kyrpang kani ka rukom dustur hapoh u loom u pdeiñ, ka raij ka chnong, da khut kyrsu kyntu u ya ki khon khynroo khyllood ka dorbar chnong wow chimkhia ki u bood late khnang wa kani ka rukom dustur u im u neh u sah ko teiñ la pateiñ.

Related posts

Daw pynman ka Seiñ Kur Sana ya ka pynkup burom ha Jowai

April 24, 2025

Daw pynman ya ka dorbar heh ka Seiñ Kur Sari ha Wahiajer

April 23, 2025

Ka chnong kam wow pynsah kynmoo ya kani ka Bamphalar 2025 ha kani ka miet hapyrdi i sakhilang ki khon ka dorbar chnong najan wa ki lok ki jor da em leh i pynlait paidbah u A. Andrew Shullai, MDC ya ka Riti Krehkaam ka dorbar chnong kawa dadep pynjanai ya ki aiñ ki kyndon da ka ki dkhot yong ka Constitution Committee.

U Andrew hawa e kyntien kam u kongsan da yaroh u ya ka Dorbar Chnong Loomkyrwiang kawa da kitkhia u pynneh pynsah ya ka rukom dustur wa pynjooh sikai ki warim waheh nachwa.

Khaddooh chwa wow poi cha ka bynta wakut yong kani ka yalang yahkhmat, neiliang u Arkiru Laloo, Secretary Bamphalar da e u ki kyntien khublei katwa u Sophilos Lywait wan da booh da siang u ki kyntien ngoohblai.

Da pynbood won da ka Drama wa pyrtuid ‘Nasib Da Bynta’.