Ka Ministry of Home Affairs ka sorkar India ynne i janmiet da pynkrehkaam ko ya ki kyndon krehkaam ka aiñ CAA lyngba ka Citizenship Amendment Act (CAA) Rules nadooh myntu ka sngi heiwa u pynkrehkaam ya ka ha waroh kawi ka ri.
Kani ka aiñ daw pynsuk ko ya ki Hindu, Sikh, Jain, Buddhist, Christian wa Parsi kiwa na le tylli ki ri wa kynthup ya ka Afghanistan, Bangladesh wa Pakistan wa yut kam ki phet-wiar wow man noh kam ki nong India kiwa da chah thombor hei pyrtuid ka niam.
Uwa e ktien yaka Home Ministry da ong u wa i pyndap pyrtuid wow man kam ki nong India (Citizenship) daw leh du da ka Online donhi.
Da thoh wa ka Ministry of Home Affairs (MHA) u pynkrehkaam noh ko ya ki kyndon krehkaam namo ki Rules hapoh ka Citizenship (Amendment) Act, 2019 (CAA-2019) nadooh ynne ka sngi wei ya kini ki kyndon krehkaam u tip kam ka Citizenship (Amendment) Rules, 2024.
Ini wan i hadien wa u Montri ki kaam pohyung ka ri, u Amit Shah da pynbna u wow krehkaam kani ka aiñ chwa ka Election Lok Sabha.
Kani ka aiñ toh wow chah ya ki bru ki wym toh ki Muslim wa wan na ki ri wa da kdaw haneiñ wow man kam ki nong India kiwa da psiah chapoh India chwa ka 31-12-14.
Kam wow pynkynmoo wa chwa wei hadien wa pynman aiñ yaka CAA ha u 2019 da mih i yakhih ha kylleiñ ka ri kamjooh hapoh ka jylla Meghalaya.
Ha u bnai wa dadep u Amit Shah da ong u wa ym em wa ye u pynsangeh ya ka aiñ CAA heiwa da ong u wa kani ka aiñ toh ka aiñ ka ri.
Da ong u leh wa kani ka aiñ toh kawa da kular da ka sorkar Congress nachwa heipor wa kini ki khian paaid chah pynchitom ki ha kini ki le ri wa em ki.
Kam wow pynkynmoo wa ka aiñ CAA da dep ko wow pynlait yaka Assam, Meghalaya, Mizoram wa Tripura wa kynthup ya ki thaw wa man Sixth Schedule wa ki thaw wa em hapoh ka Inner Line Permit.
Ya kani ki kyndon ye phi wow yoh heini.
Discussion about this post