Ka sorkar Meghalaya da pyntip ko wa da pynkrehkaam ya ka aiñ Meghalaya Residents Safety and Security Act, 2016 da ka thong wow yada ya kiwa chong chnong ka jylla deiwa pait wei sylli bniah ya kiwa wan chong wai.
Da ong leh wa kani ka aiñ toh yow pyntikna wa kitu kiwa thmu wow leh ya ki kaam wa pyrchah aiñ ym yoh ki wow chong rieh hapoh ka jylla wei heijooh i por yow pait ya kiwa wan psiah pyrchah aiñ chapoh ka jylla kiwa da yoh u chong u sah ha ki dong ki chnong.
Kamtæ yow pynkrehkaam ya kani ka aiñ, ka sorkar deiwa ya krehlang waka NIC, Meghalaya da sdang ki ya ka Online Application haka 08-09-2022 yow e laad ya ki tre yung kamjooh kiwa wan chong wai wow pyntipmit namo wow Register ki ya idæ hadien wa da dep pynsakhiat da ki bor chnong.
Kamtæ da phah ya ki tre yung wa kiwa chong wai kiwa em ha ki 7 tylli ki dong ka Shillong kitæ ka Nongrim Hills, Pohkseh, Nongrah, Nongmensong, Lapalang, Riat Laban wa Wahdienglieng kiwa man kam kiwa da jied nyngkong ha kani ka First Phase wa hap ki wow Register khlem pep deiwa lai ha ka Website https://megrssa.nic.in kawa ye u pynemkaam da ki PC, Laptop, Tablet wa ki Smart Phone.
Ye leh wow pynemkaam da ka Mobile App kawa ye wow Download na kani hi ka Website.
Yow tip bniah wei ya ki kot ki sla wa emkaam, ye wow yoh na yung krehkaam ka Deputy Commissioner, East Khasi Hills, Shillong wei kamjooh na ki waheh chnong.
Discussion about this post