U President ka Hill State People’s Democratic Party (HSPDP), u KP Pangniang da pyntip u wa ka sorkar Assam da pyrchang ko wow phah thaw jhan ya ki thaw kiwa em ha Langpih, Noapara, Umwali wa kiwi de ki thaw.
Da pyntip u wa da yaklam ya ini ha ka yalang wa da khut da ka sorkar jylla ya waroh ki seiñ saiñpyrthai ynnin ka 15 tarik khnang wym em i chim kabu katwa dang lai i ya pynbait hapyrdi ki ar jylla.
U Pangniang da pyntip u wa neiliang u Montri Rangbah, u Conrad K Sangma da kular u wow chimkhia wow phah pynsangeh ya itai i thmu iwa ye wow yah bakla.
Ha iwi i liang u President ka HSPDP da pyntip u leh cha ka sorkar yei jia ha Tarabari wa Gizang yong ka West Khasi Hills heiwa da em i khih s’ya ki paidbah wa chong chnong kiwa kwah wow em cha ka jylla Assam, heiwa neiliang yong ka sorkar Assam da booh ko leh ki pulit ha Salbari wa kiwi ki thaw. Da pyntip u wa neiliang ka sorkar Meghalaya da thoh ko cha ki bor ka sorkar Assam wym toh u em iwon iwon i ktah yei chngaaiñ ha i long i man ha katai ka thaw.
