Shillong: U montri rangbah ka jylla, u Conrad K. Sangma ynne da sdang u ya ka Meghalaya Community Led Landscape Management Project (CLLMP) hei emlang u montri ka tnat Forest & Environment u Lahkmen Rymbui, u Montri ka tnat GAD ka jylla, u Comingone Ymbon, u montri ka tnat PHE ka jylla, u Samlin Malngiang, wa kiwi kiwi ha Yojana Bhawan, Main Secretariat Shillong.
U Conrad hei klam da ong u wa ka thong yong kani ka project toh wow wailad wow seiñkhih deiwa pynemkaam hok yeiwa da e ka rymaw.
Da ong u wa ka jylla, da kyrkhu ya ka da ka spah rymaw kam ki mar pohkhyndaw tangwa em ki por da pynemkaam i ka chawa palat khamtam manda sdang iwon iwon i kreh. Da ong u wa emkaam u kreh da i rukom wa i roi i paar ym ktah i ya ka rymaw.
Na kani ka project daw yoh myntoi bha ki paidbah neibhah wa ki leh daw embynta ki ha ka khnang wa ki leh u sñiawtre ki wow wanrah yei roi i paar, da ong u Conrad.
Ka thong yong ka Meghalaya Community- Led Landscapes Management Project toh wow kyntu kynrong ya i rukom im ki paidbah ka jylla wei daw pynkrehkaam ya ka da ka Meghalaya Basin Development Agency dei yoh yarap na ka World Bank.
Discussion about this post