15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Sdang u khynroo na Moodymmai dei kaam ah sñiooh ha Ummulong

0 Comments

Jowai: I kreh kam uwa ah sniooh toh i kaam wa boon hi wa kreh da ki barjylla wei man i iwa dang ye u ñiaw katwon ngut ki tre ri ha ri-loom Jaiñtia wa kreh ya ini i kaam.

Da chem won ya iwa rap phær ha Ummulong heiwa uwi u khynroo uwa tip kam u Nisanki Dkhar na Moodymmai da wai u da i yong oo hi i dukan ah sniooh.

Uni uwa ah sniooh da ong u wa nyngkong ym em mut u kreh ya ini i kaam tangwa ka luti da yah ka oo cha ini i kaam kamtæ oo leh da pdiang u ya ini wei da minot u wow pynpliah ya ini i kaam deiwa yoh u yei sikai ha Shillong.

Ka seiñ WJNC wa ka JSU 1 kiwa yachem wa uni u khynroo da e yaroh ki ya oo wa neibhah ya kam ini i kaam toh dang duna ware ki bru yong i wa kreh ya ki wei ki da pynchlur ki ya oo wei da yooluti wa daw boon kiwa booddien yeini wa leh u.

Da yaroh ki leh yei chlur yong oo wow sdang yeini i kaam kamjooh man i iwa sarong wow em mynsien kam i yong uni u wa kreh u deiwa emburom.

Kani toh katkam ka khubor na u PS Phawa President WJNC wa u Lucky Phawa, GS ka JSU 1.

Previous
Next

0 Comments

Leave a Reply