U MLA ka Jowai, u Wailadmiki Shylla ha ka 23 tarik uni u bnai da sdang u ya ka Youth Employment Survey-2024 neibynta ki khon khynroo khyllood wa em hapoh ka Constituency yong oo, heiwa lyngba kani ka Youth Survey u chim yukheiñ yei thrang i angnood ki khynroo khyllood wei kamjooh katwon ngut kiwa da pyndep ya ki jait e sikai waphær waphær khnang yow tipsap u hei won i rukom wow yarap ya ki.
I chim u Wailadmiki Shylla ya kani ka luti toh wa yoo u ha ki por wa dep ya ka MLA Scheme da jooh e paidbah hei dur ki Tin sap yung wei chem u leh katwa toh kawa yoh mynkna em ki paidbah khlem emkaam leh chim bait ki ka tangwa booh kdong hi-eh ki.
Hei sñiaw yong oo, ong u bar wow e booh kdong hi-eh ya ki Tin, neini chakhmat dang lah wow e yarap da ki tiar ki tar cha ki khynroo khyllood wa da pyndep Training yow yoh ki u khih u khan deiwa yieñ hei yong ki hi ki kjat.
Neitæ manda dep e yarap u ki tiar daw e sikai kyrpang haroh u ya ki sa heiyatoh ki buit wa kammon u pynlai yaaw ya ki mar wa pynmih ki, kammon wow pynlai pynwan ya ka poisa wa mih neiwa khih dei wym toh u leh lutphut khnang yow man ka khih wa lai bait lai ryntih yow im ja wei wow e yarap ya ka yung ka sem.
Chooh chooh ong u wa deiwa ye u leh kamni ym du wa man kiwa ye wow khih hi tangwa daw man leh kiwa ye u e khih e khan ya kiwi.
Neitæ won ya kitu ki wym pu dep Training kiwa da pynsñiaw yeiwa thrang wa kwah ki, daw yarap u ya ki wa kammon u lai luti ki.
Heiyatoh wa kani ka Youth Employment Survey-2024, ki khynroo khyllood ye ki leh u pyndap lyngba ka Google Form.
Ya kani ka Youth Employment Survey-2024 da pynlait paidbah u ha ka yalang saam Certificate wei e tiar cha ki 30 ngut kiwa da pyndep yei chah sikai hei kreh Mistri namo ka Rural Masonry hapoh ka Skills Meghalaya wa da pynman ha Thomas Jones Synod College Jowai.
Discussion about this post