Ka Joint Action Committee yong ki seiñ kiwa em hapoh ka skurbah North Eastern Hill University (NEHU), wa kynthup ya ka NEHUTA, NEHUNSA waka NEHUSU da sdang ki yei yakhih wa khlem booh por nadooh myntu ka sngi.
Neiliang u Chairman ka JAC, u Prof. Lakhon Kma da takraiñ u ya u Vice Chancellor, u Prof. Prabha Shankar Shukla uwa da chim chuti nei kaam, wot hadien wa da lai klam u hakhmat kiwa thoh khubor wa kwah u wow yaklam wa kiwa yahkhmat ka JAC.
Da ong u wa i yakhih wa khlem booh por yong ka JAC toh hadien wym de kiwi kiwi ki laad, neibhah da dep pynsñiaw lut lyngba i thoh, lyngba ki laad pathai khubor wa kiwi ki laad, tangwa u VC ym sñiawthooh u.
U Prof. Kma da ong u leh wa u VC ym chimkhia u yei kaam neibhah da chim chuti hapyrdi i yakhih wa i eh hapoh NEHU, wei da beiñ u leh ya u VC uwa da chimkti yei kaam ha NEHU du wow yoh myntoi na i kaam wa ksoh u wei wow wanrah ya ki bru wa na baar wow chong pyneh bait ha ka chuki.
Neiliang uwa yahkhmat ka JAC ha iwa won i liang da pynsñiaw u yei kyrmen wa hadien wa u VC da wan chuti daw beh chwa u ya u Rohit Prasad na i kaam Technical Officer/Senior Consultant, wei hadien itæ ka JAC daw bien ko wow yaklam ya kiwi won ki phang wa da dep booh hakhmat u Vice Chancellor.
Kani ka yakhih wa da khut pynman da ka JAC da yoh ko yei kyrchaan na waroh wa kynthup na kiwa sikai wa kiwa lai puræ kiwa khlem lai cha ki kamra e sikai kamwa jooh leh ki man-ka-sngi wei kamjooh leh da yoh yei kyrchaan na kiwi won kiwa kreh ha kani ka skurbah.
Discussion about this post