Sepai ka Peace Meeting wa khut u DC ka WJH ynne ka sngi ya ki paidbah ka Ummulong

Jowai: U DC ka West Jaiñtia Hills u R. Rapthap  ynne ka sngi da khut ya u Waheh Chnong, Chairman, Secretary wa 9 ngut kiwa chong chnong ka Ummulong cha ka Peace Meeting namo ka yalang wow wanrah ya i yasuk ha ka chnong Ummulong.

Hawa yaklam wa u DC da ong u wa ym mih iwa myntoi na kani ka yalang heiwa ka yaklam da poi ko cha ka pynman Dorbar Chnong ka wym em toh ki kaam ki bor district heiwa kiwa chong chnong da ong ki wa ym em jooh yoh dorbar katwa u Waheh Chnong won da ong u wa da dep pynman dorbar.

U DC da ong u wa da kyntu u ya ki paidbah wymtoh u pynman ki da ka yakhih wei wow poi cha ka yasuk katkam ka aiñ wei kamjooh leh khuslai wa da jan poi ka Election wei ini i kaam ye i u kyrooh heiwon heiwon i por.

Hawa yoh u yaklam wa kiwa chong chnong wa chah khut ynne ka sngi da ong ki wa i lai paidbah ymtoh chaphang ka Election wei man ko i pyrchah donhi ya u Waheh Chnong wei hadien ini da ujor FIR u ya kiwa boon kiwa chong chnong hadooh ki wym emlang ha ka lai paidbah.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Heiyatoh wa ki kaam chnong won u DC da ong u wa daw thoh u cha u Dolloi wa cha ka JHADC yow pynbait ko ya ini i kaam wei smat u krehlang yow wanrah yei suk.

Also Read: Cha u Dolloi ka Elaka Jowai wa u CEM ka JHADC lai ujor ki paidbah wa chong chnong ka Ummulong pyrchah ya u Waheh Chnong