Ynne ka sngi ka Jaiñtia National Council (JNC) hapoh i yahkhmat u General Secretary da hiar ki cha Byndihati wa Umtyr-a, East Jaiñtia Hills yow pait ya ar tylli ki kreh namo ki Project wa sahteiñ kitæ toh ka Residential School waka Teacher’s Training Centre kiwa da neh da boon snem khlem da pynemkaam.
Ya ka Residential School da pynlait poisa ha u Naichiphaw 2015 wei da ye leh u pyndep ya ka yung (Building) kamwa da mang ha ki 24 bnai, kamjooh leh ya ka Teacher’s Training Centre ha u 2016 da pynlait poisa wei da pyndep leh ya ki yung yong ka, tangwa sñiawsih wa hadooh katni kini ki yung da chah ieh khonswet ki khlem da pynemkaam, da ong ka seiñ.
Hawa pait da chem wa wa da piah lut ki dwar, da chem wa da chah tooh lut ki tiar wei da khyndang lut ya ki naar Grill kamjooh leh da chem su ki klong hapoh. I ieh ya kini ki yung da pynsyir ki leh ya kiwa lai luti najan yong ki neibhah ym tip kiyi wa rieh hapoh wei da e laad leh kiwa chim kabu wow leh ya ki kaam wa sih iwa da booh hei maa ya kiwa lai wa wan na kani ka thaw.
Kam wow pynkynmoo wa ha kini ki tayaaw dadep uni u bnai, ka seiñ da yachem ko markhmat wa u Symbood Montri Rangbah u Sniawbhalang Dhar wow dawa pynkrehkaam noh ya kini ki Project wei da kular u wa hapoh chi tayaaw daw khut yalang u tangwa hadooh katni ym yoo ya ki dak ki chin.
Da pynkynmoo wei da kyntu ya ka sorkar wow leh yeiwa emkaam chwa wa kini ki yung u pra ki iwa man i dooh myntoi ya ki khynnah puræ wa kiwa thooh kreh ka thaaiñ.
Discussion about this post