Jowai: Ka seiñ Ri Jaiñtia Youth Federation (RJYF) Seiñbei ha kini ki sngi wa da dep da lai li hiar ko cha ka kpær slacha ka tnat Forest ka Jaiñtia Hills Autonomous District Council (JHADC) kawa da lut hadooh T. 2, 69, 07,309 nadooh u snem 2006 hadooh 2014.
Ya ka slacha da thung da rep ha Moorangtung Khanduli ha i thaw wa heh 15 Hectare, ha Mookyntain Khanduli won i thaw rep heh i kamwa 5 Hectare katwa ha Riatsiatmuid Khanduli heh i kpær 12 Hectare wei ya ka poisa da e da ka sorkar pyrdi.
Neiliang ka seiñ da chem ko wa kini ki kpær slacha ka JHADC toh kiwa da tymmoh i khloo wei ym em kiwa pyhnkhooid wa sumaar ya ki kamwa toh u leh.
Ka seiñ leh da chem ko wa waroh ki sainar toh kiwa da jæd da pra ki kawa e laad ya ki masi wa ki blang wow psiah u mih ki katwa ngait.
“Iwa yoo phylla dooh toh wa nadooh wa thung slacha kawa la 10 snem hadooh katni ympu em khait ya ka tang chisien leh iwa pynyoo wa wym biang i krehkaam u P. Blah kam u Chief Forest Officer ka JHADC uwa da kreh heini da ki phaw snem,” da ong ka seiñ.
Hajrong ini neiliang ka seiñ da kylli ko ya u Chief Forest officer yong ka JHADC hadooh katwon da kamai poisa na kani ka Project Tea Plantation wei i yi i myntoi wa da wanrah ko?
Ka seiñ leh da ong ko wa u CEM ha ka yalang pynkyntang Dolloi ha Jowai da ong u wa ka Council duna poisa ko tangwa lada kyruiñ won yeini i thung slacha ko da man kawa pynlut poisa da ki klur tang yow leh Experiment kawa ym em mih myntoi iyi iyi leh.
Ka seiñ da pynkhreh ko wow booddien chooh ya ini i pynemkaam bakla yaka poisa khlem i yoh myntoi wei da kyntu leh ya ka E.C. u T. Shiwat wow thung da ka takit yow chem tre yei wa wiar ka poisa.
Kani toh katkam ka khubor na u E.N. Pale General Secretary RJYF – C.B.
Discussion about this post