Ka Shillong Lajong FC da jop suk ko ya ka Ryntih SC da 5-0 ha ka Shillong Premier League 2021-22 ynne ha ka yalehke wa da pynman ha Third Ground, Polo, Shillong.
Ka Ryntih da dep jop ko ya ka da Lajong 3-0 ha ka 6 tarik u Naiynñiaw tangwa ynne ym ye ko wow e jubab ya ka Lajong.
Ya ki kool da thap da u Everbrightson S Mylliempdah (8’, 80’), u Gladdy Kharbuli (16’, 48’) wa u Samuel Vanlalpeka (59’). Kini ki 5 kool ynne toh palat ya ki 4 kool wa da dep thap ha ki 8 tylli ki yalehke chwa.
Da ini i jop, ka Lajong da ku ko chei wa san deiwa yoh 11 Point.
Mynstep ka yalehke u man ko hapyrdi ka Mawkhar SC (2 Point) waka Langsning FC (17 Point). Ka Langsning da dep jop ko ya ka Mawkhar da 3-1 ha ka yalehke wa pynman ha ka 27 tarik u Naiynñiaw.
