Ka Rangdajied United FC da pynkut ko ya kani ka tayaaw deiwa ku chei nyngkong haka Shillong Premier League 2023 deiwa jop da 2-1 yaka Shillong Lajong FC ha ka yalehke wa da pynman ynne ha SSA Stadium, First Ground, Polo, Shillong.
Ya ka Rangdajied da thap kool da u Captain ko, u Arlangky Nongsiej haka minit wa 18 lyngba ka Penalty wa u Ksankupar Khongmalai haka minit wa 79 katwa yaka Lajong da thap kool da u Deibormame Tongper haka minit wa 25.
Ka Lajong da dooh ko leh u thap ya kawi ka Penalty haka minit wa 7 wa chut da u Captain ko, u Gladdy Kharbuli heiwa uwa yang kool ka Rangdajied, u Banshanskhem Kharsyntiew da ye u wow bok yaka bol cha rood.
Chwa ini, waroh arliang da dep jop ki mar le sien heiwa ka Lajong ynne da maad ko yei rem wa nyngkong ha kani ka samoi.
Ini mut i wa ka Rangdajied da em ko 12 Point iwa da tam da 2 Point yaka Mawlai SC katwa ka Lajong da hiar ko chei wa le deiwa yoh 9 Point. Ka Mawlai ym pu em yachem ko wa kini ki ar liang wei i ku i hiar dang ye i wow jia.
Ka Points Table man ko kamni ha wah:
Discussion about this post