Ka Ryntih SC da ku ko chei wa soo ha ka Shillong Premier League 2023 deiwa jop yaka Nangkiew Irat SC da 3-1 ynnin ka sngi ha ka yalehke wa da pynman ha SSA Stadium, First Ground, Polo, Shillong.
U Banshanlang Nongdhar haka minit wa 16 da pyntam u yaka Nangkiew Irat tangwa ka Ryntih da ye ko wow pyntam haka kylla miet nyngkong da ka kool u Banehskhem Khongsdam haka minit wa 55 neitæ sa u Andy Mawthoh haka minit wa 73 wa u K Lalrosanga haka minit wa 83.
Ka Ryntih kattu da em ko 7 Point na ki 5 tylli ki yalehke wei da yoh ki kat jooh waka Mawlai SC tangwa da tam ka Mawlai deiwa kheiñ yei thap kool namo ka Goal Difference (+6 la +1).
Ka Nangkiew Irat dang ko neh ko hei kyrdan wa ynñiaw deilang waka Nongthymmai kiwa yoh mar 3 Point tangwa ka Nongthymmai da tam ko neidaw wa da dep jop ko yaka Nangkiew Irat.
Ka yalehke u pteiñ myntu hapyrdi ka Nongthymmai SC waka Mawlai SC heipor 3:00 waje i sngi.
Discussion about this post