Ka yalehke wow sdang ya ka Second Leg ka Shillong Premiere League 2021-22 hapyrdi ka Shillong Lajong FC waka Rangdajied United FC da kut ko da 0-0 ha madan Third Ground, Polo, Shillong ynne ka sngi.
Kani da man ko leh i sdang ka Round 8 wei chwa ini ha ka 18 tarik u Naiynñiaw, ka Rangdajied da dep pynrem ko ya ka Lajong da 2-0.
Da ini, ka Rangdajied dang yoh hi ko hei wa le katwa ka Lajong da neh ko hei wa ynñiaw.
Mynstep ka yalehke u man ko hapyrdi ka Mawlai SC waka Nangkiew Irat SC heipor 4:00 waje noh chariñ ka sngi.
