Wa toh u snem Election waroh kamtre yei dawa tipmit yei kiten Khasi wa Garo: Bajop 

U Working President ka National People’s Youth Front (NPYF), u Bajop Pyngrope da ong u wa neidaw wa toh u snem Election, da mih i kamtre heiyatoh wa ka phang wow pynpsiah yei ktien Khasi wa Garo ha ka Eight Schedule yong ka riti synchaar ka ri India.

Da ong u wa sñiawthooh u wa toh u snem Election wei waroh chim kabu ki, neibhah wa da yoo ha ki khubor wa em ka Party na West Bengal kawa da kamtre yei pynpsiah ya i ktien Khasi wa Garo hapoh ka Eight Schedule. Tangwa da ong u leh wa ya ini i kaam waroh ki seiñ toh u e kyrchaan ki khlem kwah u yoh myntoi Politics.

Chooh chooh da ong u wa i dawa wow tipmit noh ya ka ktien Khasi wa Garo, ymtoh iwa phylla næ wa dang thymme neibhah ya ini i kaam da rah da ki MP ka NPP ha Lok Sabha wa ha Rajya Sabha, hadien wa ka sorkar MDA da wanrah ko ya ka Resolution ha u snem 2018.

U Bajop da ong u wa ini i kaam ymtoh iwa thymme neibhah da sdang dawa tipmit nadooh u snem 1992 hadien wa da tipmit ya i ktien Manipur, wei hadien wa da tipmit leh ya i ktien Bodo ha u snem 2002.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi i liang da e khublei u ya ka Khasi Authors Society (KAS) kawa da yahkhmat neibynta ini i dawa wa da sdang yoh ya u soh katni.