U MLA ka BJP na South Shillong uwa man leh u Chairman ka Meghalaya Tourism Development Corporation (MTDC), u Sanbor Shullai da ong u wa lada emkaam toh u siat bait ya ki nong Bangladesh kiwa wan psiah pyrchah aiñ.
Ya ini da ong u hei lai pait ya ki paidbah ha khappood Meghalaya wa Bangladesh ha ka thaaiñ Dawki-Tamabil wa Pyrdiwah.
U Sanbor da hiar u dei bru cha khappood yow pait boi em i maa ya kiwa chong chnong ka jylla nei wan psiah pyrchah aiñ ki nong Bangladesh hadien i kynaad wa da mih ha katai ka ri iwa da pynman ya ka Sheikh Hasina wow hiar chuki wei wow ieh noh yei man Prime Minister deiwa yut cha India.
Ha ini i lai pait u Sanbor, da yachem u wa kiwa chong chnong ha Pyrdiwah wei kamjooh ya ki heh BSF wa yada pood ha kani ka thaaiñ yow tip yei long i man wei wow pyntikna yei chngaaiñ kiwa chong chnong.
Da khana u wa neiliang ka sorkar India da pynkhreh bha ko wow yada nei yoh psiah pyrchah aiñ ki nong Bangladesh cha India lyngba ka Meghalaya, heiwa da pynyang da ki shipai Bihar Regiment wow yarap ya ki BSF ha khappood.
Neiliang u Sanbor da ong u wa da lai pait ya katai ka thaaiñ khamtam ya ka chnong Pyrdiwah toh neidaw wym kwah wow mih biang i jia kam ha u snem 2001 heiwa ki chipai Bangladesh da hiar thma ki ya katai ka chnong.
Discussion about this post