Uwi u chipai BSF, uwa tip kam u Suresh Bishwal uwa na ka chnong Malpura, Dhenkanal District ka jylla Odisha da pynkut u yei mynsien deiwa siat pynya-oo hi da ka suloi ha Jammu and Kashmir.
U Suresh toh uwa kreh kam u BSF la 15 snem wei da wan biang u cha Jammu and Kashmir hadien 9 sngi wa yoh chuti ha chnong wei da pynkut u yei mynsien neidaw wa khia i thij i pyrkhat.
Chwa wow pynkut yei mynsien, u Suresh da Message u ya ka bei u heiwa da thoh che u wa u leh u yeini deiwa pynbaad ya u diah u u Sunil wa ka kurim u.
Ka bei u Suresh da ong ko wa u Sunil da ya maya u wa ka kurim u Suresh yeiwa da pyrchah joor bha u Suresh. Tangwa heithaw wow pynkut yei maya ki da pteiñ wei dang joor i hanlada u Sunil toh uwa dadep bia u le snem nachwa.
Ini da pynman i ya u Suresh wow khia pyrkhat hadooh wa pynkut yei mynsien wei da ieh u chadien ya ka khon wa 7 snem.
Discussion about this post