Sih 524 tylli ki transformer ha u snem 2016-17

Shillong : U Montri tnat saam bordiñ ka jylla u Sniawbhalang Dhar da pyntip u hapoh ka yung dorbar wa em hadooh 524 tylli ki transformer kiwa sih du ha u snem 2016-17 ha kylleiñ ka jylla.

Hawa jubab yeiwa kylli ka MLA, ka Dikkanchi Shira, u Sniawbhalang da ong u wa i sih kini ki transformer toh neidaw u slap, u pyrthat, wa kiwi kiwi.

Hei yatoh wa kylli ko wa tip u namo ym tip wa em kiwa kreh ka MeECL kiwa phah su poisa ya ki palat chnong wow chna ya ki Transformer hawa sih ki, u Montri da kyntait u wei da ong u wa ka sorkar ymtip ko iyi iyi hajrong ini.

Da pyntip u leh wa u snem 2013-14 em 428 tylli ki transformer kiwa sih, 428 tylli ha u snem 2014-15 wa 492 ha u snem 2015 -16.  Na kini kiwa sih du 1706 tylli kiwa da chna pynmiat biang (repair) wei da lut hadooh T. 307.63 lak wow chna wei T. 507.12 lak won da thied thymme ya ki transformer.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Montri da ong u leh wa i daw wa kongsan toh wa duna ki thaw chna ya ki hapoh ka jylla waroh kawi heiwa da em du le tylli kini ki thaw kiwa em ha Sumer, Dakopgre wa ha Mendipathar wei lada sih joor ki tæ duk u phah cha ki karkhana wa em cha baar.

Da pyntip u wa ki transformer kiwa sih  nadooh u 2013-14 hadooh 2017 toh 162 tylli ha East Jaiñtia Hills, 140 ha West Jaiñtia Hills, East Khasi Hills 352, West Khasi Hills 142, RiBhoi 295, South West Khasi 106, South Garo 74, East Garo Hills 78, West Garo Hills 294, North Garo Hills 86 wa ha South West Garo Hills 130 tylli.