Kiwa chong chnong ka Ratacherra da pyntip ki wa man-ka-miet da em bait 50 tylli ki Truck wa kit mooyong kiwa lai luti wei ha ka 19 tarik uni u bnai da em kawi kawa da sih ha i thaw wa em rap ha wah ka chnong wei da doon ko harood sarok u NH-6 ha ki bynta wym em psiang de.
Kiwa chong chnong da pyntip ki wa kani ka Truck toh kawa kit hadooh 65 Ton u mooyong deiwa su Rs. 80,000 khlem chalan khlem GST.
Da ong leh wa kani ka Truck toh kawa wan na Khliehriat yow lai cha Malidor wa cha Assam wei hawa kylli ya kiwa yah ya ka Truck da khana ki toh kawa kit mooyong.
Kani ka Truck 16 chaka toh kawa em Number NL-01AG-9974.
Da pyntip leh wa kani ka Truck toh kawa da kit palat pood iwa man i daw wa jia kamni wei boon leh kiwi ki Truck kiwa kit palatpood kiwa lai luti ha kini ki bynta.
Neiliang kiwa chong chnong da maham ki wow ksoh ya kini ki Truck wa kit mooyong kiwa kit palatpood wei daw lai pyntip leh cha u SP chaphang ini wei lada ym chimkhia u daw ksoh naphang ya kini ki Truck.
Discussion about this post