Hadien wa ka Karbi Anglong Student Association (KSA) da klam ko cha ki laad pathai khubor haka sngi wa ki Regional Committee yong ka sorkar Assam wa Meghalaya lai ki wow yachem ha ki thaaiñ khappood yong ki ar tylli ki jylla ha Khanduli, kiwa yahkhmat ka KSA da maham ki wow man kam ha Manipur lada dooh noh ya ki thaw ki bhaw kiwa man kam ki yong ki.
Neiliang ka seiñ KSU West Jaiñtia Hills District da kwah ko wow pynsñiaw wa ki paradoh parasnaam ki yong i ym toh de wow dooh ki ya ki thaw ki bhaw kiwa man ka hok ka kynti yong ki, wei da klam che leh wa chi inchi yong kiwi leh ym kwah wei chi inchi yong i leh ymtoh u dooh i.
Ka seiñ da ong ko leh wa ka sorkar Meghalaya toh u chimkhia ko ya ini i maham ka KSA hajrong ki kaam pynbait pood neibhah man ki kam wow pynkylla kamwa jia ha Manipur.
Chooh chooh ka seiñ da ong ko wa pdiang sñiawbha wei man ki kiwa smat wow ya tyngkhooh tangwa ym em maham won tangwa lada sdang ki KSA, ka KSU ym leh thlah ym leh khlot.
Neiliang ka seiñ da ong ko u em bait ko wa kiwa chong chnong wa em ha ki thaaiñ khappood wei lada jia iyi iyi wa sdang ki KSA daw hap ki wow chim yei kitkhlieh.
Discussion about this post