U President ka Hill State People’s Democratic Party (HSPDP), u KP Pangñiang da pynsñiaw u wa i yakrehlang waka United Democrtic Party (UDP) hapoh ka Regional Democratic Alliance (RDA) dang man ko kawa skem, wei neibynta ka Election MP cha Lok Sabha da dep phyllu yumut wow em da u kyrtong wa da monlang ka RDA, wei da pyntip u wa da booh u yachem biang sa chisien kawa ye u man ha ka 7 tarik uni u bnai.
Da ong u wa i thmu yong ka RDA toh wow yatylli wei krehlang wow pynmih uwi u kyrtong, khamtam hadien wa da yoo ya i kwah ki paidbah ha ka Election MLA kawa man uni u snem.
Chooh chooh da pynsñiaw wei kyrmen u wa ki paidbah ka Ri-loom Khasi wa Jaiñtia daw kyrchaan ko neibynta u wow sai lang ki.
Ha iwi i liang u Pangniang da ong u wa ka RDA u krehlang ko leh ha ka MDC Election kamwa da leh ha kiwi ki Election wa dadep, hanla ym em i phiah ya ki Constituency, deiwa ong wa em ki ki mat kiwa kam ki seiñ ri-loom toh ka jooh ka thong.
Discussion about this post