Smat O wow chimkti ya ka lyngkor ka 19-Jowai South Constituency: Baitlang Pohsngap

U Baitlang Pohsngap uwa da yaleh Election MDC ha u snem 2019 na ka 19-Jowai South Constituency da pyntip u wa da yaleh u ya ka Election da ka luti wa khooid ymtoh dei bor yong ka spah neibhah du dei khooid wei deiwa em yei kitkhlieh kawa ye u pynim yaka ri waka jaitbru.

Da ong u wa lada ki paidbah yoo biang ki, smat u wow chimkti ya ka lyngkor ka 19-Jowai South Constituency deiwa pynche ya kiwa boon tylli ki kaam wa ki yurim wow yakhun Election MDC ha u 2024.

Ka mat wa kongsan wa da booh u hakhmat dooh toh wow yada ya ka ri waka jaitbru nei chah tlep ha kiwi won ki jaitbru, i chah knieh nadooh ki kaam ki jaam, ka khayi pateiñ, ka puræ puthi wa kiwi de iwa da ktah bha ya i.

Da kular u leh wow yada na ki kaam baam-tooh neibhah oo ymtoh u bru rhah spah, rhah burom tangwa kwah u toh du wow e yei chakri kawa bha tam neibynta ka ri waka jaitbru.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Kiwi de kiwa emkaam toh wow yada ya u pood u ang kamjooh ya ki bru wa em ha khappood, u pynkylla dur ya ka ri waka jaitbru ha waroh ki liang, u wanrah yei yatylli wei ya sñiawthooh uwi ya uyi nadooh uwa em kyrdan wa u wym em kyrdan, nadooh uwa dooh hadooh uwa mahajon wei da thrang u leh wow emlang wa ki paidbah khamtam kiwa dooh wa duk, kiwa khian wa nai yow lait ki nei chah ban beiñ yoo beiñ.

Iwa khaddooh toh yow pynkhlan ya ka JHADC kawa man kam ka waitlam waka stieh ka ri waka jaitbru .

Da pynkut u deiwa ong wa lada kiwa chong chnong ka 19-Jowai Constituency yoo biang ki ya oo wow man kam u MDC daw e u yei chakri wa bha tam.